O pasado 18 de xuño viaxamos ata A Coruña. Pasámolo xenial!!! Despois de máis dúas horas de traxecto chegamos ao planetario onde nos esperaban varios pisos de actividades e experimentos. Logo, tivemos unha sesión de cine 3D relacionada coa arte. Chamábase "A noite estrelada" e personaxes de pinturas e esculturas famosas ían contando particularidades sobre o universo. Entrementres, tomamos algo nos arredores porque xa estabamos mortiños de fame...
Subimos ao autobús e dirixímonos cara o Domus. Alí, atacamos os tuppers e comemos todos xuntos gozando dunha marabillosa vista ao mar... Unha vez rematado, visitamos as diferentes salas onde puidemos ver xogos interactivos e curiosidades sobre o ser humano.
Os ataques de fame volveron e non nos quedou máis remedio que buscar unha xeadería... En canto o autobús aparcou, todas as miradas se dirixiron á furgoneta do xeado...Obxectivo conseguido! Xa tiñamos forzas para dar unha volta e achegarnos á Torre de Hércules. Pechada por mor do vento, tivemos que conformarnos con ollala desde fóra e facer algunha que outra foto de recordo. Outra vez será...
|
|
This photo slideshow generated with Smilebox |
martes, junio 30, 2015
A NOSA GRAN AVENTURA
martes, junio 16, 2015
O OGROCHO
O luns 15 de xuño baixamos ao Centro Social do Mar para ver a obra do Ogrocho. Conta a historia dun ogro que vive coa súa nai no bosque. Con 6 anos vai por primeira vez á escola e alí os demais nenos ven as diferenzas: o Ogrocho é máis alto, máis forte e... posúe uns instintos. Ao longo da obra superará tres probas para dominar eses instintos.
Unha historia tenra que invita á superación e ao amor.
domingo, junio 14, 2015
EXCURSIÓN FIN DE CURSO- 6º DE PRIMARIA ( Albergue O Rexo - Allariz - 8, 9 e 10 de xuño de 2015)
Este pasado mércores, ás 10 da noite, os rapaces e rapazas de 6º
regresamos da nosa excursión de fin de curso.
Pasamos tres días en Allariz, no albergue da Fundación Ramón González
Ferreiro, situado no
lugar de Paciños.
Foron tres días intensos de diversión a rabiar, cheos de actividades e xogos do máis interesantes. Practicamos tiro con arco, bañámonos no río Arnoia,
visitamos a vila de Allariz, coñecemos a súa Historia, xogamos na piscina
municipal e aprendemos que é unha RESERVA DA BIOSFERA no Centro de Educación
Ambiental O Rexo, onde Carlos, o educador medioambiental, nos explicou en que consiste a súa riqueza
natural e que fai deste, un lugar tan especial. Alí coñecemos a Ebrima, o pastor
que coida das ovellas. Co leite que dan, fan un queixo riquíííííííííííííííísimo!
Todo estaba moi ben organizado e sentímonos como na casa. Tratáronnos
con con todo o mimo do mundo e desde aquí queremos darlles as grazas e
mandarlles unha aperta ben forte a todos e a todas; ao grupo de monitores dirixido
por Aldara e formado por: María, Ali, Gabriela, Adri e Marcos; ao equipo de
administración, integrado por Mila, Chon e Bernardo, a Carlos, o biólogo, a
Corona, que se encargaba de que todo estivese ben limpo e a Belén, a cociñeira, que
nos preparaba uns pratos.... para lamber os dedooooos! TODOS SON SIMPATIQUÍSIMOSSSSSSSSS
E AMABILÍSIMOSSSSSSSSSSSSSSSSS!
Por certo, ORGANIZAN CAMPAMENTOS DE VERÁN. Este é o enderezo:
ANIMÁDEVOS! VEREDES
QUE PAGA A PENA, PASARÉDELO EN GRANDE!!!!
Velaquí vos deixamos algunhas imaxes para que vexades que é
certo o que contamos!
Etiquetas:
EXCURSIÓN,
FIN DE CURSO
sábado, junio 06, 2015
PRETROGLIFOS DA PEDRA
Esta semana empezamos un novo tema, A Historia, e que mellor maneira de estudar a Prehistoria que baixando á entrada do cole par dar cor ás pinturas rupestres que realizaron os nosos artistas Ramón e Martín.
Todo o alumnado de 5ºA e 5ºB puideron disfrutar dunha sesión onde os protagonistas foron eles. Porque sen dúbida a mellor maneira de aprender e que a aprendizaxe sexa significativa é involucrando ao alumno.
" Dime e olvidarei,
ensíname e recordarei
pero implícame e aprenderei."
Benjamin Franklin
E como mostra do ben que o pasamos...
Suscribirse a:
Entradas (Atom)