MAGOSTO 2017

Xa chegou o San Martiño!

Coma todos os anos, en datas próximas ao 11 de novembro celebramos no colexio o San Martiño.

Este ano foi o martes 7 o día indicado.  Nesta xornada vén sendo habitual que nos acompañen Manolo Otero e os seus amigos e amigas da asociación Corredoiras para compartir con nós un tempo de lecer diferente, no que recuperar a tradición gozando dos xogos populares, os de sempre, e que, ás veces, coas novas tecnoloxías, temos esquecidos.

 

 Queremos, un ano máis, darlles a grazas pola súa xenerosidade! 

Despois dos xogos, xa cun pouquiño de fame, chegou o arrecendo de castañas asadas. Sentamos no chan facendo unha roda e comemos este froito do outono típico da nosa terra. Que ricas estaban!

UN ENTROIDO DE CINE

Un Entroido de PELÍCULA

E para un  curso de CINE, non podíamos pedir menos que vivir un ENTROIDO DE PELÍCULA!

Despois de moito traballar, o venres pasado saímos da escola dispost@s a encher as rúas da nosa vila da maxia do cine. Nun desfile, como cada ano,  cheo de ledicia, de música e de cor.

Pero nesta ocasión, dábase unha situación excepcionais:

·        O alumnado de 3º e 5º, unidos polo TEI, programa de Titoría Entre Iguais, concorrían xuntos como personaxes da serie de películas de HARRY POTTER.

 

Os mozos e mozas de 6º, disfrazados de CAZAFANTASMAS e FNATASMAS, desfilaron e cantaron cos PIRATAS DO CARIBE de 4º.

 

 

Entre todos  conseguiron o como dicía o retrouso da súa canción:

 

 

     “Queremos que este Entroido sexa de cine,

con larpeiradas, chulas, filloas,

ENTROIDO tolo con final feliz!”

25 de novembro, DÍA INTERNACIONAL DA NON VIOLENCIA CONTRA AS MULLERES

Este venres, como cada 25 de novembro, participamos nos diferentes eventos que tiveron lugar na nosa vila para celebrar o Día da Non Violencia contra As Mulleres.

Pouco antes do mediodía, baixamos á Praza do Concello para unirnos ao alumnado dos centros escolares de Bueu e gardar un mminuto de silencio polas 45 vítimas asasinadas este ano. Os nenos e nenas do CEIP Montemogos repartiron panos mourados para todass e todos que xuntos axitamos ao vento tras escoitar as palabras do alcalade e  o manifesto lido pola concelleira de Igualdade, Dona Ana Isabel Otero. 

Despois, xa no Centro Social do Mar, desenvolveuse a gala na que se entregaron os premios do CONCURSO DE CARTEL E LEMA CONTRA VIOLENCIA DE XÉNERO.

As alumnas e alumnos de 4º do CEIP Montemogos explicáronos a orixe da celebración deste evento cada 25 de novembro  a través dun fermoso traballo feito por eles e por elas titulado OLIBRO DAS BOLBORETAS.

Unha vez máis, tivemos a fortuna de contar con compañeiros e compañeiras da nosa escola entre os gañadores.

1º PREMIO: XIANA PASTORIZA    - 5º B

 

MENCIÓNS ESPECIAIS:

DAMIÁN GONZÁLEZ     - 5º B

CARMEN CASTRO RECAMÁN - 6º A

ALEXANDRA POPUSADA RÍOS - 6º B 

 CARLA SOLIÑO  - 6º B

Tamén a gañadora do deseño do cartel, EMMA LASCU, alumna de 3º de ESO do IES Johan Carballeira, estudou Primaria no noso colexio.

Ao rematar, os premiados e corporación municipal posaron para a habitual "foto de familia".

 PARABÉNS A TODAS E A TODOS!