EXCURSIÓN DE FIN DE CURSO 2016-2017

Despois dun ano intenso de traballo e esforzo, rematamos o curso cunha gran excursión.

Gozamos moito no parque multiaventuras de Padrón.

Alí, os nenos e nenas de 5º e 6º de primaria fixemos  actividades moi divertidas:

- Circuitos de altura.
- Paintball Láser-tag
- Tiro con arco
- Tirolina
- Rocódromo
- Deslizador acuático 
- Piscina.

Deixámosvos neste vídeo unha mostra do ben que o pasamos:

PROGRAMA   METEOESCOLAS

Neste curso o alumnado do CEIP plurilingüe A Pedra de Bueu, dentro do programa Meteoescolas e a modo de proxecto de fin de etapa levaron a cabo un traballo interdisciplinario onde interviñeron as áreas de Lingua Galega, Ciencias Sociais, Ciencias Naturais e Matemáticas. Utilizaron como instrumento de aprendizaxe significativo o traballo cooperativo, distribuíndose o alumnado en equipos de 3 ou 4 compoñentes.  Deste xeito traballaron os  estándares de aprendizaxe  que tiñan relación con:

O tempo atmosférico, instrumentos que serven para observalo, a garita meteorolóxica, a Lúa, factores que modifican o clima, os climas de España,  os fenómenos meteorolóxicos, a formación das nubes, acción do home no medio natural, necesidade de coidar o medio natural, os espazos protexidos.

Ademais, organizaron en  táboas as precipitacións mensuais recollidas cos datos observados polo alumnado na garita meteorolóxica do colexio nos 5 primeiros meses deste ano  e tamén calcularon as medias mensuais das temperaturas máximas e mínimas. Con toda esta información elaboraron e interpretaron un climograma comparándoo cos datos meteorolóxicos históricos de Bueu.

Tendo en conta que en expresión escrita estudaran a análise  e redacción de textos xornalísticos, presentaron a modo de reportaxe a información  recollida que acompañaron con imaxes.

Todos os traballos colocáronos no taboleiro de cadansúa clase para posteriormente podelos gravar e traballar así os estándares de aprendizaxe de expresión oral.

Todas e todos puxeron o mellor de seu e aínda que á hora de gravar houbo quen se puxo nervioso e  se equivocou, confiamos en que saberedes desculparnos.

E velaí vai o resultado de tanto traballo. Que o desfrutedes!

SAÍDA TEI Á PRAIA DE AGRELO!

O alumnado de terceiro e quinto vivimos o pasado venres, 16 de xuño, unha estupenda xornada de convivencia, para despedir o proxecto TEI neste curso escolar.
Saímos moi tempraniño de mañá e dirixímonos á praia de Agrelo. No mirador sacámonos estas fotos.

Tan pronto chegamos, dividímonos en dous grupos, e mentres 3ºA e 5ºA se dirixían á Sala de Interpretación do Litoral, 3ºB e 5ºB realizaban uns divertidos  xogos, dirixidos por dous monitores, no areal.

Na Sala de Interpretación, antigo matadeiro de Bueu, Manolo Otero, Concelleiro de Deporte e Medio Ambiente, foinos explicando a costa da nosa da vila dende a praia de Portomaior na parroquia de Cela ata a praia de de Areas de Bon na parroquia de Beluso. Contounos cousas moi interesantes, non só sobre a situación xeográfica senón tamén sobre a historia.

Xa na praia, realizamos varios xogos, baixo a dirección de Jose e Andrés. Pasámolo xenial, corremos, saltamos, bailamos pero sobre todo rimos a escachar!

Despois de merendar fixemos varios xogos máis. Nesta foto podedes vernos, afanados en facer o burato máis grande. As parellas estaban formadas por titor e titorizado.

UN DÍA PARA QUEDAR NA NOSA MEMORIA SEN NINGUNHA DÚBIDA!

Xornadas

XORNADAS DE ATLETISMO BASE

O mércores día 8 maio e despois dun retraso por mor do mal tempo, por fin saímos cara a Cangas para celebrar as  Xornadas de Atletismo base. E así foi como un grupo de nenos-as de 5º de E.P. partimos moi cedo do colexio cara ás pistas, cun pouco de medo porque ventaba choiva. Chegamos os primeiros e despois de esperar un chisco, comenzaron as probas. As primeiras foron salto de lonxitude e o lanzamento de vórtex; a continuación, as de 60m. lisos, 500m. lisos e o lanzamento de peso e para rematar, os relevos de 4X60m. Non faltou en ningún momento a animación dos compañeiros-as, como podedes ver na foto.

 Foi un día moi divertido e aínda que a clasificación non estivo mal,  podería ser mellor. Aprendemos un montón e experimentamos con materiais novos e nunha pista que moitos de nós nunca pisaramos.

 Só nós queda darlles as grazas aos organizadores  Alberto e Pablo do Clube  Atletismo Morrazo pola súa invitación. 

GRAZAS E ATA A PRÓXIMA. 

GRANXA MONTERO RÍOS E AREEIRO

O alumnado de quinto de primaria fixemos unha emocionante saída á Granxa de Montero Ríos, en Lourizán, e á estación fitopatolóxica  Areeiro.

Disfrutamos da paisaxe daquel fermoso lugar, e aprendemos moito  sobre especies procedentes de diferentes lugares do mundo.

Na estación fitopatolóxica, tamén coñecemos diversos métodos para combater pragas e coidar as nosas hortas e xardíns.

CUADRANGULAR DE BELUSO

 Un ano máis, como tódolos anos por estas datas, chega ao correo do noso centro unha invitación dende Beluso. É para participar no Cuadrangular de fútbol xunto cos colexios de Torre Cela, Virxe Milagrosa e os organizadores, Montemogos. É por iso que o venres 10 de maio e despois de cumprir coas nosas obrigas escolares, saÍmos con moita ilusión un grupo de nenos-as de 6º de EP rumbo a Beluso co fin de representar ao noso centro. 

Cando chegamos, estaban a xogar o 1º partido os de Torre Cela cos da Virxe Milagrosa; despois, foi a quenda dos anfitróns cos da Virxe Milagrosa; logo, os de Torre Cela con nós e así un emparellamento tras outro ata xogar todos. Corremos, rimos, suamos e pasámolo fenomenal; pero o mellor foi o boliño de leite co que nos agasallaron ao rematar o cuadrangular e que nos soubo a gloria, sobre todo despois de que nos desen a medalla de ouro. 

GRAZAS, MONTEMOGOS! Xa esperamos impacientes a invitación para o vindeiro ano.

CORRELINGUA

Os alumnos e alumnas de quinto de primaria xunto co resto do cole, unímonos ao Correlingua, porque "Queremos galego sen cancelas".
Deixámosvos aquí o enlace (clica na imaxe):

http://enredemosapedra.blogspot.com.es/2017/05/vii-correlingua-no-morrazo.html