lunes, noviembre 25, 2013

25 DE NOVEMBRO, DÍA DA NON VIOLENCIA CONTRA AS MULLERES. ACTO INSTITUCIONAL NO CONCELLO.

Como xa anunciaramos en días pasados, hoxe, 25 de novembro, celebrouse no Concello o acto institucional do DÍA DA NON VIOLENCIA CONTRA AS MULLERES.
A cerimonia tivo lugar no salón de plenos e foi presidida pola corporación municipal así como por dúas representantes do CIM .

Comezou a reunión gardando un minuto de silencio en memoria da máis recente víctima de violencia de xénero, que esta mesma fin de semana faleceu a mans da súa exparella.
Seguidamente, un grupo de alumnas e alumnos do IES Johan Carballeira representou unha breve dramatización que contaba a historia dunha princesa maltratada. Nesta ocasión, a protagonista lograba saír do seu inferno, grazas ao apoio da súa familia, dos seus amigos e amigas e ao labor de protección desenvolvido polas institucións.
Finalmente, tivo lugar a entrega de premios no que as nosas mozas de 3º ciclo recolleron os seus respectivos galardóns.
1º premio de Educación Primaria: CARLA ALFAYA PORTELA, de 5º A



Mencións especiais: MARÍA BROCOS JUNCAL, de 6º A
e ICÍA ESCRIBANO CABALEIRO, de 6º B
Rematou a conmemoración cunha foto de grupo.


1 comentario: