Cuadrangular de Beluso

Como tódolos anos, co gallo da semana Cultural de Beluso, chegounos ao centro unha invitación do CEIP Montemogos para participar no cuadrangular de fútbol que organizan para os colexios da zona de Bueu.
Con tal motivo, saímos ás dez da mañá un grupo de nenos-as de 6º de primaria, para representar ao noso centro e o esforzo valeu a pena. Comenzamos cun partido cos nenos-as do Virxe Milagrosa e a verdade é que non nolo puxeron nada fácil. Logo, xogamos cos de Beluso e, como xa tiñamos os motores acendidos, a cousa resultounos máis doada. Para rematar, quedábanos o partido cos de Cela e despois de velos xogar cos outros equipos, non as tiñamos todas con nós. Pero Celtia arrancou cun gol e logo, aínda que con moito esforzo, conseguimos facernos coa vitoria. 

Noraboa, nenos-as, suastes a camiseta, e os boliños de leite cos que nos agasallaron foron merecidos!
Parabéns tamén para o resto de participantes: os do CEIP de Montemogos, os  do CEIP A Torre-Cela e os do CPR Virxe Milagrosa.
 Grazas pola invitación e ata o ano que vén!

 PRIMEIROS AUXILIOS

O pasado mércores 18 de maio tivemos a visita de Catuxa, unha enfermeira voluntaria da Cruz Vermella que compartiu co alumnado de 3º e 5º de  Primaria unha sesión de Primeiros Auxilios. Nela amosounos os tres pasos básicos a seguir ante unha situación de emerxencia:

• PROTEXERSE
• AVISAR-112
• SOCORRER

Tamén nos aclarou como actuar ante distintos casos que se nos poden presentar na vida cotiá, tales como: atragoamentos, feridas, hemorraxías nasais...e rematou coas situacións de inconsciencia. Nestas, os nenos-as puxeron en práctica a "posición de seguridade" e o RCP (reanimación cardiopulmonar).

O momento máis divertido foi a rolda na que participou todo o alumnado realizando o RCP  ao ritmo da "Macarena". 

Finalmente, cantamos  unha canción infantil adaptada, a modo de resumo, cos pasos a seguir ante unha      EMERXENCIA  

                      

               

Grazas, Catuxa, pola túa visita!

ATLETISMO

 PROMOCIÓN DO ATLETISMO EN PISTA

O día 20 de Abril saímos cedo do colexio e con moita inquietude por ir  visitar unha pista de atletismo de verdade. Para moitos era a primeira vez que pisaban unha e para outros, o lugar onde entrenan co seu clube.  Todo comenzou cando a mamá dunha rapaza do colexio nos comentou que se ía organizar esta actividade nas pistas de atletismo de Cangas e días máis tarde, chegou un correo no que nos confirmaba a realización das mesmas.  Puxemos mans á obra: montamos os equipos coas indicacións que nos deron, buscamos información  sobre as distintas probas, visualizamos diferentes vídeos e... practicamos:  lanzamentos                                                                                                           saltos                                                                 relevos  E o resultado de todo foi unha  xornada ESTUPENDA  MOITAS GRAZAS ao programa XOGADE e o CLUBE ATLETISMO MORRAZO.    por contar con nós.

OBRADOIRO DE ALFOMBRAS FLORAIS

Este venres, 15 de abril, os alumnos e alumnas de 5º e de 6º aprendemos un novo concepto: a arte efímera.

Chámanse  así aquelas obras que, polos materiais cos que están elaboradas (flores, fiúncho, codia de laranxa, cuncha de croque … ou outros elementos de orixe orgánica) e polo lugar onde se plasman (as rúas da vila), non perduran no tempo.

Este é o caso das alfombras de flores que cada ano engalanan as nosas rúas o día de Corpus. Á parte da fermosura de seu, teñen de especial o encanto do labor feito en común, da aprendizaxe oral, da sabedoría popular … Varias xeracións dunha mesma sociedade compartindo traballo e lecer, tecendo o  pasado e o futuro do noso patrimonio cultural.

Nesta ocasión, recibimos a visita de Rafa e de Ata en representación da ASOCIACIÓN DE ALFOMBRAS DE BUEU. Explicáronnos  a orixe desta tradición, da que na nosa vila hai constancia desde hai moitos anos. Ademais,  faláronnos de que existen outros lugares en España e en Europa nos que tamén se confeccionan. 

 

Para rematar, tivemos a sorte de poñer en práctica o aprendido. Rafa e Ata prepararan uns deseños da cara CASTELAO a escala e os materiais necesarios para cubrilos. 

 
Velaquí tendes unha mostra do traballo realizado.

 Foi unha visita educativa, dinámica e divertida ! MOITAS GRAZAS!
Este ano todos participaremos na festa!

Cachiza

O pasado venres 8 de abril visitáronnos Chefa, Otero, Moital e Brión catro componentes da ¨Asociación Corredoiras¨ para ensinarnos como se xoga á Cachiza.

Comenzamos nada máis chegaren ao colexio. Primeiro participaron os mozos e mozas de 6ºB, logo os de 6ºA e rematamos a xornada cos de 5ºA e B xuntos.

Cando chegabamos onda eles, o primeiro que nos amosaban eran os paus cos que iamos xogar, un pau grande chamado pateiro e un pequeño, a cachiza. Logo, o terreo de xogo e ata onde tiñamos que intentar levar a cachiza. E despois, o sistema de xogo e a puntuación.

Unha vez que nos explicaron as normas básicas, puxémonos a probar como era iso de levantar e golpear a cachiza, para máis tarde poder xogar un par de roldas por equipos. Ao principio, custábanos un pouco picar o pau; pero despois dun par de intentos, todo ía rodado. Foi toda unha experiencia, pasámolo súper ben, tan ben, que a sesión se nos fixo curta.

 Grazas, pola vosa visita e paciencia. Ata a próxima!