A BANDA DE BUEU

   Onte tivemos o privilexio de recibir no cole á Banda de Música de Bueu. O director foi presentando os tipos de instrumentos e fomos escoitando como soaban. Ademais, puidemos ver rapaces e rapazas que estudaron no centro. Que alegría levamos! 

Make a free picture slideshow       Algúns compañeiros ata se atreveron a facer de directores da orquestra!

           
        

OLLOS DE AULA

Imaxe sacada de http://davidov3.blogia.com/

    O mes pasado naceu unha nova revista mensual "Ollos de aula". Nela todas as familias poderedes ver noticias e novidades relacionadas coa educación, cos hábitos, cos estudos e tamén coa lingua galega. Esta iniciativa parte dende a coordinadora galega de Equipos de Normalización e Dinamización Lingüística que ten o obxectivo de fomentar o emprego da lingua galega a través de diversas actividades e creación de recursos. Supón un apoio para todos os centros, tanto públicos como concertados, de dinamizar nos seus centros o idioma. Como vedes xa temos o mes de outubro e de novembro colgados na marxe.

O MAGOSTO

     A semana pasado todo o cole celebrou o Magosto. Xogamos, comemos castañas e queimamos os nosos medos para que desapareceran grazas a unha apócema. Dende facía algún ano resultábanos imposible participar nos xogos tradicionais porque chovía pero esta vez, conseguímolo! Aquí vos deixamos algunha mostra dese día.

               

This free picture slideshow customized with Smilebox

CONCERTOS EN FAMILIA

      Este domingo 4 de novembro foi un día especial para os nenos e nenas de 1º e 3º de primaria posto que foron os diseñadores dos debuxos que ilustraron os contos musicados de Pedro e o lobo e O veado florido. Foi estupendo! Mentres soaba a orquestra, aparecían os debuxos e o narrador ía contado a historia. Por sorte para os que non o sabiades, deixámosvos un pequeno vídeo de cada conto. 

UN SAMAÍN DE MEDO

       A noite do 31 de outubro é máxica e tenebrosa ao mesmo tempo, chega o Samaín. Para celebralo no cole, estivemos falando dos nosos medos e despois decorámolos. As nosas reflexións están colgadas na gran tea de araña da entrada. Por suposto, trouxemos as nosas cabazas decoradas!

EXPOSICIÓN DE CABAZAS.

            A TEA DE ARAÑA COS MEDOS

      

OS NOSOS MEDOS...

    Aquí están dous vídeos sobre o Samaín. Esperamos que vos divirtan!! 

QUE PASADES UN SAMAÍN DE MORTE!!!

24 DE OUTUBRO, O DÍA DE PAPIRUS

     A semana pasada foi un día importante porque Papirus celebrou o seu aniversario connosco. Sabedes que Papirus naceu o mesmo día en que se conmemora o día das bibliotecas escolares? Por este motivo e sabendo que este curso ímosllo dedicar aos contos e á expresión oral,  contounos unha historia. Queredes escoitala? 

           

        Ao rematar, fixemos fotos para ter un recordo e ben guapos e guapas que saímos. Ademais, invitounos a unhas chuches!!!

BENVIDOS DE NOVO!

      Apenas hai tres semanas que iniciamos o novo curso. Empezamos esta etapa de 5º curso con ilusión e ganas de mellorar...e os compañeiros de 6º tamén... Non o credes... Fixádevos nestas fotos! 

BENVIDOS AO CURSO 2012/2013